Gå till innehållet

Viermikoijâdâlmáin noreh uáinuid sämmilij vuoigâdvuođâi čälimist šoŋŋâdâhlaahân

Frågetecken 0
15.10.2020 | Helsingin yliopisto, Ympäristöministeriö
None

Šoŋŋâdâhlaahâ uđâsmittoo eidu. Pirâsministeriö lii lekkâm 15.10. viermikoijâdâllâm, moin noreh aalmugjesânij uáinuid tast, maht sämmilij vuoigâdvuođâid já toi turvim kolgâččii väldiđ huámmášumán šoŋŋâdâhlaavâst.


Tááláá šoŋŋâdâhlaavâst iä lah sierâ mainâšum algâaalmugij vuoigâdvuođah. Sehe Suomâst já aalmugijkoskâsávt laa pisovávt tubdâstâm, ete šoŋŋâdâhnubástus hiäjusmit vuáđu- já olmoošvuoigâdvuođâi olášume.

Koijâdâlmân puáhtá västidiđ Otakantaa-siijđoin tavesämikielân, anarâškielân, nuorttâlâškielân ja suomâkielân. Vástádâsâin ráhtoo čuákánkiäsu, mii toimâttuvvoo laavâ valmâštâllee pargojuávkun já almostittoo pirâsministeriö viermisiijđoin.

Vuárusavâstâllâm sämmilij vuoigâdvuođâi huámmášumán väldimist šoŋŋâdâhlaavâst juátkoo roovvâdmáánu loopâst, kuás Sämitigge ráđádâl sämitiggelaavâ 9. § miäldásávt šoŋŋâdâhlaavâst minister Mikkosáin.

Pirâsministeriö ornij kesimáánust sämmilâšnuoráid jieijâs kuullâm šoŋŋâdâhlaavâst. Kuullâm olášuttui pargopááiján, mast nubbe juávhuin lâi tavesämikielân. Lasseen pirâsministeriöst láá lamaš kyehti kuávlulii kuullâm Anarist já Kietâruottâsist. Kietâruottâs vuárusavâstâllâm olášuttui oovtâstpargoost Erätaukosäätiöin. Oovdeb kulâmijn lii tiäduttum eromâšávt ärbivuáválij iäláttâsâi turvim huámmášumán väldim.

Joođoost meid koijâdâllâm uásálistmist, tiäđufinniimist já vuoigâlii sirduumist

Eidu joođoost lii meid nubbe viermikuullâm. Tast selvâtteh tom, ete maht aalmugjesâneh kolgâččii pasteđ uásálistiđ šoŋŋâdâhpolitiik vuáváámân já čuávumân sehe maht sirdum čiđđâneutraal ohtsâškode kulij puáhtá toohâđ vuoigâlávt.

Koijâdâllâm lii finnimnáál viiđâ kielân: tavesämikielân, anarâškielân, nuorttâlâškielân, suomâkielân, ruotâkielân já eŋgâlâskielân.

Kuohtuid koijâdâlmáid puáhtá västidiđ Otakantaa.fi-siijđoin. Koijâdâlmeh láá ávus 12.11.2020 räi.

Lasetiäđuh:

Minister sahhiittâllâmtuoivuuh: sierânâsišedeijee Riikka Yliluoma, p. 050 414 1682, riikka.yliluoma@ym.fi

Šoŋŋâdâhlaahâ: sierânâsäššitobdee Heta-Elena Heiskanen, pirâsministeriö, p. 0295 250 380, heta-elena.heiskanen@ym.fi

Lase šoŋŋâdâhlaavâst já ton uđâsmitmist pirâsministeriö viermisiijđoin. (suomâkielân)

***

Vääldi pele, já vaaigut #šoŋŋâdâhlaahâ-uđâsmitmân!

Maht sämmilij vuoigâdvuođâid kolgâččii čäälliđ šoŋŋâdâhlaahân?

Västid koijâdâlmân:


Basuppgifter

Publicerad: 15.10.2020

Teman:
  • #miljö och natur
  • #lagstiftning och rättigheter
Kommuner:

Bilagor

  • Inga bilagor
  • 16.10.2020 kl 16.36 @Admin modererade innehållet: Ympäristöministeriö lisätty hankkeen omistajaksi
Ilmianna