Ääimaslääʹjj oođummuš lij jååʹttmen. Tän neʹttkuullmõõžž veäkka pirrõsministeria nåårr meerlai vuäinnmõõžžid tõʹst, mäʹhtt säʹmmlai vuõiggâdvuõđ da tõi staanmõõžž õõlǥči väʹldded lokku ääimaslääʹjjest.
Ânnʼjõž ääimaslääʹjjest jeät leäkku jeeʹrab peäggtam alggmeer vuõiggâdvuõđid. Nuʹtt Lääʹddjânnmest ko meeraikõskksânji lij põõššjen tobdstum, što ääimasmuuttâs vaarad vuâđđ- da ooumažvuõiggâdvuõđi teâuddjummuž.
Kõõjjõʹsse vuäitt vaʹstteed Otakantaa-seeidain tâʹvvsääʹmǩiõʹlle, aanarsääʹmǩiõʹlle, nuõrttsääʹmǩiõʹlle da lääʹddǩiõʹlle. Vasttõõzzin noorât õʹhtteǩeässmõõžž, koon tooiʹmtet lääʹjj valmštõõlli tuâjj-jouʹǩǩe da õlmstââʹttet pirrõsministeria neʹttseeidain.
Vuârrsaǥstõõllmõš säʹmmlai vuõiggâdvuõđi lokku väʹlddmest ääimaslääʹjjest juätkkai kålggmannu looppâst, kuäʹss Sääʹmteʹǧǧ saǥstââll sääʹmteʹǧǧlääʹjj 9. § meâldlânji ääimaslääʹjj pirr minister Mikkosin.
Pirrõsministeria jäʹrjsti ǩieʹssmannust sääʹmnuõrid jiiʹjjes kuullmõõžž ääimaslääʹjj pirr. Kuullmõõžž čõõđteš tuâjjpääʹjjen, koʹst nuʹbb jooukin leäi tâʹvvsääʹmǩiõʹlle. Pirrõsministeriast lie leämmaž veâl kuõʹhtt vooudlaž kuullmõõžž Aanrest da Ǩiõttmaddjest. Ǩiõttmaddi vuârrsaǥstõõllmõõžž čõõđteš õhttsažtuâjast Erätaukofoondin. Ääiʹjab kuullmõõžžin lij pâjjnam aainâs äʹrbbvuõđlaž jieʹllemvuõʹjji staanmõõžž lokku välddmõš.
Jååʹttmen lij še kõõjjõs vuässõõttâm, teâđvuäǯǯam da vuõiggvuõđmeâldlaž seʹrddem pirr
Samai ååʹn lij jååʹttmen še nuʹbb neʹttkuullmõš. Tõʹst seʹlvtet tõn, mäʹhtt meerlai õõlǥči vueiʹtted vuässõõttâd ääimaspolitiikk plaanma da seuʹrrjummša di mäʹhtt serddmõš illneutraal õhttsažkååʹdd årra vueiʹtet tuejjeed vuõiggvuõđmeâldlânji.
Kõõjjõs lij vuäǯǯamnalla viiđ ǩiõʹlle: tâʹvvsääʹmǩiõʹlle, aanarsääʹmǩiõʹlle, nuõrttsääʹmǩiõʹlle, lääʹddǩiõʹlle, ruõccǩiõʹlle da eŋgglõsǩiõʹlle.
Kuhttu kõõjjõʹsse vuäitt vaʹstteed Otakantaa.fi-seeidain. Kõõjjõõzz lie äävai 12.11.2020 räjja.
Lââʹssteâđ:
Ministeeʹr mainstâʹttemraukkmõõžž: spesiaalvieʹǩǩteei Riikka Yliluoma, p. 050 414 1682, riikka.yliluoma@ym.fi
Ääimaslääʹǩǩ: spesiaaläʹšštobddi Heta-Elena Heiskanen, pirrõsministeria, p. 0295 250 380, heta-elena.heiskanen@ym.fi
Lââʹzz ääimaslääʹjj da tõn oođeem pirr pirrõsministeria neʹttseeidain. (lääddas).
***
Vääʹld peäʹl, da vaaikât #ilmastolaki-oođõʹsse!
Mäʹhtt säʹmmlai vuõiggâdvuõđid õõlǥči ǩeeʹrjeed ääimasläkka?
Vaʹstted kõõjjõʹsse
Basuppgifter
Publicerad: 15.10.2020
- #miljö och natur
- #lagstiftning och rättigheter
Bilagor
- @Admin modererade innehållet: Ympäristöministeriö lisätty hankkeen omistajaksi