Gå till innehållet

Sápmelaččaid vuoigatvuođaid girjemis dálkkádatláhkii čoaggit oainnuid neahttagažademiin

Frågetecken 0
15.10.2020 | Helsingin yliopisto, Ympäristöministeriö
None

Dálkkádatlága leat aiddo dál ođasmahttimin. Birasministeriija lea rahpan 15.10. neahttagažadeami, mainna čoaggit álbmoga oainnuid das, mo sápmelaččaid vuoigatvuođaid ja daid dorvvasteami galggašii váldit vuhtii dálkkádatlágas.


Dálá dálkkádatlágas eai leat sierra máinnašan eamiálbmoga vuoigatvuođaid. Sihke Suomas ja riikkaidgaskasaččat lea vuogáiduvvan dovddastit, ahte dálkkádatnuppástus dorvvohuhttá vuođđo- ja olmmošvuoigatvuođaid ollašuvvama.

Gažadeapmái sáhttá vástidit Otakantaa-siidduin davvisámegillii, anárašgillii, nuortalašgillii ja suomagillii. Vástádusain čogget čoahkkáigeasu, mii doaimmahuvvo lága válmmaštalli bargojovkui já almmustahttojuvvo birasministeriija neahttasiidduin.

Dialoga sápmelaččaid vuoigatvuođaid vuhtiiváldimis dálkkádatlágas joatkašuvvá golggotmánu loahpas, goas sámediggi ráđđádallá sámediggelága 9. § mielde dálkkádatlágas ministtar Mikkoneniin.

Birasministeriija ordnii geassemánus sámenuoraide iežas gullama dálkkádatlága birra. Gullan ollašuhttojuvvui bargobádjin, mas nubbi joavku lei davvisámegillii. Lassin birasministeriijas leat leamaš guokte guvllolaš gullama Anáris ja Giehtaruohttasis. Giehtaruohttasa dialoga ollašuhttojuvvui ovttasbarggus Erätaukosäätiöin. Ovddit gullamiin leat deattuhan erenoamážit árbevirolaš ealáhusaid dorvvasteami vuhtiiváldima.

Jođus maiddái gažadeapmi oassálastimis, dieđu oažžumis ja vuoiggalaš sirdašuvvamis

Maiddái nubbi gažadeapmi lea aiddo dál rabas. Das čielggadit dan, mo riikkavuložat galggašedje sáhttit oassálastit dálkkádatpolitihka plánemii ja čuovvumii sihke mo sirdašuvvama karbonaneutrála servvodaga guvlui sáhttá dahkat vuoiggalaččat.

Gažadeapmi lea oažžumis vihtta gillii: davvisámegillii, anárašgillii, nuortalašgillii, suomagillii, ruoŧagillii ja eŋgelasgillii.

Goabbáge gažadeapmái sáhttá vástidit Otakantaa.fi-siidduin. Gažadeamit leat rabas 12.11.2020 rádjái.

Lassedieđut:

Ministara jearahallanbivdagat: spesiálaveahkki Riikka Yliluoma, tel. 050 414 1682, riikka.yliluoma@ym.fi

Dálkkádatláhka: spesiálaáššedovdi Heta-Elena Heiskanen, birasministeriija, tel. 0295 250 380, heta-elena.heiskanen@ym.fi

Lasi dálkkádatlága ja dan ođasmahttima birra birasministeriija neahttasiidduin. (suomagillii)

***

Váldde beali, ja váikkut #dálkkádatláhka-ođasmahttimii!

Mo sápmelaččaid vuoigatvuođaid galggašii girjet dálkkádatláhkii?


Basuppgifter

Publicerad: 15.10.2020

Teman:
  • #miljö och natur
  • #lagstiftning och rättigheter
Kommuner:

Bilagor

  • Inga bilagor
  • 16.10.2020 kl 16.37 @Admin modererade innehållet: Ympäristöministeriö lisätty hankkeen omistajaksi
Ilmianna